Elmi Şuranın iclası keçirilib
AMEA Qafqazşünaslıq İnstitutunda Elmi Şuranın növbəti iclası keçirilib. İnstitutun direktoru AMEA-nın müxbir üzvü, professor Musa Qasımlı iclasın gündəliyi barədə şura üzvlərinə məlumat verib.
2024-cü il üzrə AMEA-da doktorantura və dissertanturaya qəbul haqqında AMEA Rəyasət Heyətinin 3 aprel 2024-cü il tarixli 12/12 saylı qərarı ilə Elmi Şura üzvləri məlumatlandırılıb.
AMEA-nın Qafqazşünaslıq İnstitutun Qafqaz tarixi (qədim dörlərdən XX əsrədək) şöbəsinin bazasında Qafqaz tarixi şöbəsinin, Qafqaz tarixi (XX-XXI əsrlər) şöbəsinin bazasında Qafqaz ölkələrinin beynəlxalq əlaqələri şöbəsinin yaradılması haqqında AMEA Rəyasət Heyətinin 23 aprel 2024-cü il tarixli 13/10 saylı qərarı ilə Elmi Şura üzvləri məlumatlandırılıb.
8 ölkə alimlərinin iştirakı ilə institutun keçirdiyi “İslam mədəniyyətini zənginləşdirən şəhər: Şuşa” mövzusunda beynəlxalq elmi konfransın yekunları haqqında hesabat dinlənilib.
Cari ilin oktyabrında keçirləcək “Cənubi Qafqaz tədqiqatları: mövcud vəziyyət, problemlər və perspektivlər” mövzusunda və cari ilin noyabrında “Cənubi Qafqazda dövlətlərarası münasibətlərdə şəxsiyyət amili: tarix və müasirlik” mövzusunda respublika elmi konfranslarının Elmi və Təşkilat Komitəsi yaradılıb.
İclasın sonunda bir sıra cari məsələlər müzakirə olunub.
