Qafqazşünaslıq İnstitutunda elmi şuranın iclası

Qafqazşünaslıq İnstitutunda elmi şuranın iclası keçirilib


   Yanvarın 28-də Qafqazşünaslıq İnstitutunda elmi şuranın iclası keçirilib.

   İnstitutun Tərcümə,nəşr və informasiya şöbəsindən AZƏRTAC-a bildirilib ki, iclasda 2019-cu il üçün elmi-tədqiqat işləri planının müzakirəsi, elmi şura üzvlərinin AMEA Rəyasət Heyətinin “AMEA-nın mühüm elmi nailiyyətləri haqqında məlumatların beynəlxalq elmi bazalara inteqrasiyasının genişləndirilməsi haqqında”, “Gənc alimlər üçün elmi-tədqiqat layihələrinin respublika müsabiqəsi haqqında” və b. məsələlər müzakirə edilib. Əməkdaşlara beynəlxalq indeksli elmi jurnallarda məqalələrin dərcinə xüsusi diqqət yetirmələri tövsiyə edilib.

   Elmi şurada institutun direktoru, AMEA-nın müxbir üzvü, professor Musa Qasımlının ötən ilin dekabrında Rusiyada (Dağıstan) “Qafqaz xalqlarının dövləti və hüququ: qurulması, inkişafı və müasir vəziyyəti” adlı beynəlxalq elmi konfransında iştirakına dair hesabatı, institutun Qafqaz siyasəti şöbəsinin əməkdaşı Əliyar Əzimovun “Beynəlxalq təşkilatların təcrübələrinin öyrənilməsi məqsədilə Avropa Parlamentinə (Brüssel şəhəri) təcrübə səfəri”nə (09-22 dekabr 2018-ci il) dair hesabatı dinlənilib.



 
Bölmələr: Xəbərlər

Rəy bildir